Galileo

From Latino sine flexione

Galileo Galilei, nato in 15 februario 1564 in Pisa et mortuo in 8 januario 1642 in Arcetri circa Florentia, es mathematico, physico et astronomo italiano.

In physica, es famoso per stude motione de corpores solido: es considerato fundatore de mechanica cum cinematica et dynamica. In astronomia, perfectiona telescopio refractore inventato in Nederlandia et reperi quattuor maximo satellites de Jove; quoque defendi heliocentrismo de Nicolao Copernico, quod suscita suo condemnatione ab Ecclesia in 1633, post quod es assignato ad residentia usque suo morte in 1642.

Considerando que «liber de Universo es scripto in lingua mathematica», Galileo es interdum visto ut fundatore de scientia moderno.