This wiki has been closed because there have been no edits or logs made within the last 60 days. This wiki is now eligible for being adopted. To adopt this wiki please go to Requests for adoption and make a request. If this wiki is not adopted within 6 months it may be deleted. Note: If you are a bureaucrat on this wiki you can go to Special:ManageWiki and uncheck the "closed" box to reopen it.

Franco

From Latino sine flexione
Jump to navigation Jump to search

Pro alio significationes, vide Franco (homonymia).

Franco, sive francico aut francisco (in franco: français), es lingua romano locuto ab circa 354 millione de personas, incluso 60 millione ut lingua nativo, 202 millione ut lingua secundo et numero indeterminato ut lingua extraneo. Es principali in usu in Europa (Francia, Belgica, Luxemburgo, Helvetia), ubi es tertio lingua maximo locuto post anglo et germano, in Canada (Quebec), et in Africa ut lingua officiale (Benin, Burkina Faso, Burundi, Camerun, Centrafrica, Comoras, Costa de Ebore, Djibouti, Gabon, Guinea, Guinea equatoriale, Madagascar, Mali, Niger, Republica de Congo, Republica democratico de Congo, Ruanda, Senegal, Tchad, Togo)[1].

Es probabili lingua romano maximo significante de mundo[2], nam es usato ut lingua diplomatico de mundo occidentale inter seculo XVII et seculo XX, quando es substituto ab anglo; hodie, semper es in usu in multo institutiones sicut Alliantia atlantico, Nationes unito, Unione europeo vel Organizatione mundiale de negotio[1]. Quoque significativo es mundo litterario franco, cum reputatione de rationalismo, perfectione formale et puritate de lingua[3]: auctores famoso de historia de litteratura franco include Renato Descartes, Jean Racine, Molière, Voltaire, Jean-Jacques Rousseau, Victor Hugo, Charles Baudelaire, Jules Verne, Marcel Proust, Albert Camus, Jean-Paul Sartre vel Simone de Beauvoir.

Notas et referentias

  1. 1.0 1.1 (anglo) «French (français)» in situ Omniglot, collectivo (consultato in 28 julio 2020)
  2. (anglo) «French language» in situ britannica.com, Marius Sala (consultato in 28 julio 2020)
  3. (anglo) «French litterature» in situ britannica.com, Haydn T. Mason (consultato in 28 julio 2020)